Ceste Déesse avec sa ronde Pomme,
Prince Royal des aultres le plus digne,
N’est point Venus, et Venus ne se nomme.
Ja, n’en desplaise à la langue Latine,
C’est du hault Ciel quelcque vertu divine,
Qui de sa Main t’offre la Pomme ronde,
Te promettant tout l’Empire du Monde,
Ains que mourir. O quel Marbre taillé !
Bien peu s’en fault, qu’il ne dye et responde
Que mieulx encor' te doibt estre baillé.